سامح لطف الله يكتب: الشهداء يتكلمون

صوت الديك بيأدن إصحى
فجر اليوم ف ميدانا شروق
ألـف شـهـيد واقفيـن واتلفوا
حاوطوا الدنيا بصوت مخنوق
خدتوا بـتارنا م اللى كـسـرنا؟
سبتوا الخونة من غير طوق؟
روحـنا هـتهـدى لوهـتشوفهم
جنب علمنا فصيل مشـنوق
الـلـى بـيـقـتـل لازم يُـقـتَـل
كـاس بـيـدور ولابد يـدوق
سـن بـسـن وعـيـن بالـعيـن
وبضرب الغاز هيموت مخنوق
لـمـا لـسـانـه بالأمر بـيـنـطق
قاضى هيحاسبه ع المنطوق
والألاضيش تمسح فيلاته
ياخـدوا براءة للـمزنـوق
ضربوا رصاص من كلمة وقالها
قتلوا شبابنا وصفوا عروق
إوعوا تاخدكم بيهم رحمة
قلب الأم مازال محروق
عدل وعدل وعدل وعدل
إدرس واحكم لاجل نفوق!