أحمد رفعت حسن يكتب: لعبة الكراسى الموسيقية والكراسى البرلمانية

أنا فاكر لما كان حد بيزعل من حد كانت مدرسة الفصل تفصل بينهم باللعبة" الكراسى الموسيقية"، كان الهدف أن أحد التلامذة كان ممكن يكون أمين الفصل بدون ترشيح من زملائه فى الفصل، وذلك نظرا لأن مدرسة المدرسة كانت بتفضل فلان على فلان وكانت الأغلبية دايما صامتة ولما كان حد من الزملاء فى الفصل بيزعل ويلم أصحابه حواليه كنا بنقف نتفرج على لعبة الكراسى الموسيقية اللى لازم حد كان يفوز بيها ويطلع لسانه للتانى – ولما كبرنا فهمنا إن اللعبة دى ممكن تكبر على حسب مزاج الكبير لما كله يلف حوالين الكراسى فى كذا مرحلة، وكله عايز يكسب بطريقة أو بأخرى والناس هى اللى تختار مين يمثلنا، ومع ذلك هناك من يلعب لعبة الكراسى أنا شايف الفرق بين الكراسى الموسيقية والكراسى البرلمانية إننا وإحنا صغيرين كنا بنقف نتفرج على لعبة الكراسى الموسيقية، أما الآن أحنا كبار كلنا بنشارك ونقول عايزين فلان علشان الكراسى مش لعبة دى كراسى برلمان.